دو کورونا کیسز رپورٹ ہونے پر تعلیمی ادارہ بند کرنے کا اعلان

 لاہور (لاہور نیوز) کورونا وائرس کے بڑھتے خطرات کے باعث تعلیمی ادارے بند کرنے کے حوالے سے اہم بیان سامنے آگیا۔ وفاقی وزیر تعلیم شفقت محمود کہتے ہیں جس تعلیمی ادارے سے دو کیسز رپورٹ ہوں گے اس ادارے کو بند کردیا جائے ۔وفاقی وزیر تعلیم شفقت محمود نے ان خیالات کا اظہار چوہدری شجاعت کی عیادت کے موقع پر میڈیا سے گفتگو کے دوران کیا۔

ان کا بتانا تھا کہ پیر کو بین صوبائی وزراء کا اجلاس طلب کرلیا گیا ہے۔ اجلاس میں قبل از وقت چھٹیاں اور ان کی تعداد میں اضافے پر مشاورت ہوگی۔

شفقت محمود کا کہنا تھا کہ بچوں کی صحت پر کوئی سمجھوتہ نہیں کیا جائے گا، ساتھ ہی ساتھ ہمیں یہ بھی دیکھنا ہے کہ بچوں کی پڑھائی پر کوئی اثر نہ ہو۔ان کا مزید کہنا تھا کہ وزارت صحت ہمارے ساتھ مکمل تعاون کیے ہوئے ہے، جس بھی ادارے میں دو کورونا کیسز سامنے آتے ہیں اسے بند کر دیا جاتا ہے۔